et Miss Réunion 2021 est ...

Ce samedi 28 août 2021 en direct sur Antenne Réunion, comme à son habitude, l'élégant Christophe Bégert a animé la soirée Miss Réunion 2021 en compagnie de personnalités notamment Aziz Patel du comité de Miss Réunion et délégué Miss France à La Réunion, et Amandine Petit la Miss France 2021. 

Et la gagnante est.... la candidate numéro 6 Dana Virin.

.20H00

Bon aster zot i coné le zafer mi larg le kozé. Zot minm i coné ke miss Réunion cé un moment épik pour moucater 🤣, a nou kreol nou yem kass lé cui kan nou veille l'émission la. Déjà mi di a zot mi comprend pas le son su Antenne Réunion... i améliore ek le temps mais lé pokor au top. 

La présentation des candidates... mi néna ma favorite : Lauriana Hoareau la n°4. Mi di a zot un miss blonde i changeré un peu pou amontre banz zorey la bas que la Rényon na poin rienk kafrine. Après lé vré que toutes bandes candidates lé gayar, jolies mamzelles. A mwin mi trouve bana lé courageuses présentent a zot coma. Bravo les filles 👏

Té mi koz en minm tan ke mi veille et mi di le band tantines i danse maloya ... dison lé vré. Pas trop trop sa mé doit pas ét fasil. Na kan 2 lé dan lo rythme.

.20H30

A la premiere pub i commence. i fatigue a mwin. #kitamer 
Mi profite fé un ti parenthese pou parle un peu Miss France... oté mi trouve néna la moitié des candidates miss Réunion lé plis charmantes. Ala mon classement : 4 - 2 - 1 - 9 . Afolpa i sa changer.

.20H37

La pub lé fini. i armontre a nou lo band candidates. Mi change mon classement : 4 - 2 - 3 - 9 
Lyna Boyer i debark, miss Réunion 2020. Un joli sourire, un joli collier, elle i coz bien. Pou mwin elle i rentre minm pa dans mon top 5 des miss Réunion... nou va coz de sa plis devant. ahah. 

KLB... mi comprend pas l'utilité. 

.20H43

Une tite animation école des miss. 4 - 3 - 2 - 9 / 11
Ouh la tite fanm i danse habillée en maitresse d'école... ouloulou ! 😍 

Mi coné zot i doi moucater mon classement mais mi assume. N°9 i fé rire a mwin. Parey un tite fofolle. 

Un ti reportaz su l'est de l'île. Valab. Eglise Ste Anne, Anse des Cascades, Chez Moustache (ma fin manger la bas. lé gayar. na ti rhum arrangé en diab). 

.20H54

Clara Roland i chante. Mi yem bien ti fi la. Mi noré bien aimé vwar 2 ou 3 danseurs ek elle. la i fé un peu triste a elle toute seule su une grande scène coma. #fébourcovid 

.21H01

Les candidates en mode boxe. et tire le peignoir pour montre le maillot. Antenne Réunion i plane. Nou gayn pas vwar la fesse. Koman ou ve nou juge si nou vwa pas toute ? Mi lé déçu... 4 - 3 - 9

.21H06 

PUB
Mi profite la pub pou allé bat carré sur jina.re. Sympa le site. Parkont le site lé pas conforme RGPD... 

.21H15

9 minutes de pub... 👏

Sylvie Tellier, directrice de Miss France, lé au top dans sa robe rouge. 
Gros plan su Florence Arginthe. Fufuuuuuu ! 😙 
Oté band candidates miss France 2022 i sa nir la Rényon... gayar !

Ti défilé en robe de soirée. Na d'robes lé pas trop sa.  4 Lauriana - 3 Jade - 9 Laure

Niveau réalisation lé mol... nou voit pas le band tantines bien kom i fo. Fo arrete fumer en régie. 

.21H27

KLB... stop, pitié! Arrete le massacre.

.21H29

Lo band candidates i sa kozé.
🥱  A coz toutes band questions i coz de route ou chemin ?
🥱 
bon mi avoue mi enfou un peu kan bana i koz. Toute lé fini préparer. Mi prefere kan lé spontanée et naturelle. 
Band twittos lé en forme a swar. #missreunion lé juska en tendances. la swaré moucatage de l'année lé un succès sur Twitter 👏
🥱 🥱 🥱 

4 - 3 - 9 - 11

22 minutes pou présente a zot... 

.21H52 

Présentation d'artistes à St-Pierre ensamb la belle Morgane Lebon miss Réunion 2019.
Bana la parti Acro'roc. Gayar la bas. Allé a zot. 

.21H56

Oté.. kisa i lé le chanteur la ? Bart ?! Pitié... mi sar boire un ti whisky pou fé pass sa. Cé tro pou mwin la. Oh délisa... délisarrêteeeee de chanter !!!! 

.22H00

Après l'est et le sud, band candidates la parti dans l'ouest... vwar band tortues 🐢
Gayar les reportages. 
Lé dommage kan i fé koz les fi i met pa le nom. Zot i koz au naturel ek zot charme mais nou koné pas ki i lé. A mwin mi retien pas le nom ek le numero.

.22H06

Passage en robe de mariée... 
Réalisation pieg pieg pieg. Mais na un peu d'émotions... 
Mi valide mon classement 4 - 3 - 9 - 11
Oté la robe n°4 au top... mi yem tro. 👍

.22H11

Visite des divinités....
Habillées en tamoul, zot lé trop belles. Mi noré aimé un peu plus d'images des miss. 
Visite du temple chinois en blanc. Té mi repete a mwin mais le reportage lé bel soman i mank le nom ou numéro de la candidate i koz. La réalisation lé bien mol. 

.22H18

Fin des votes. Alors kisa i sa èt miss Réunion 2021 ? 
Mi foute bézemen si cé pas 4 ou 3 ou 9 ou 11 🤣

Show mode de miss France... dison lé touni. Mi retire sak ma di. Une bombe anatomique 💣 💥

.22H27

le show mode i commence trainer ... 🥱

.22H29 

Pub 🥱

....

.22H41

Fin de la pub.
Ben mounoir... 

la i mette 8 minutes pou montre a nou le band cadeaux que la miss i sa gagné. #tabouette

.22H50

Petit cabotin #dedicace i apporte l'enveloppe pou Christophe.

2eme Dauphine : 2- Aurore Payet
1ere Dauphine : 11- Tatiana Faubourg
Miss Réunion 2021 : 6- Dana Virin

#alléchié 🤣 

et félicitations à Dana 👏👏👏